Sky Sports telekanali eksperti Gari Nevill "Manchester Yunayted" bu mavsumda APL chempionligini qo'lga kiritishiga ishonmayapti.

"Balki klubda bir-ikki odam ishonar. Masalan, g'alaba qozonishga o'rganib qolgan Kazemiro. U "kelinglar, kurashamiz" deb o'ylaydi.

Shaxsan menimcha, ular bu mavsumda APL chempionligidan juda uzoqda, ularda juda ko'p o'zgarishlar bo'ldi, biroq ular "Manchester Yunayted" muxlislariga bo'lgan ishonchni qaytarishdi.

Yaqinda ko'p o'yinchilarga nisbatan katta shubhalar bor edi, ammo Erik ten Xag buni o'zgartirdi. "Manchester Yunayted" muxlislari ularni yana yaxshi ko'rishdi, ular kubokni qo'lga kiritishdi va "Barselona" ustidan yaxshi g'alaba qozonishdi, ammo "Liverpul"ga qarshi o'yin ular uchun eng katta sinov bo'ldi" - dedi Nevill Sky Sports bilan suhbatda.