Kataloniyaning “Barselona” klubi himoyachisi Ronald Arauxo Ispaniya chempionatining 26-turida “Real”ga qarshi uy uchrashuvidan umidlari bilan o'rtoqlashdi.

“Avvalo, sovuqqonlikni saqlashimiz kerak. "Barselona"da bu o'yin qanchalik muhimligini hamma tushunadi. "El-klasiko"da g'alaba qozonish klub uchun chempionlik sari katta qadam bo'ladi. Biz tayyormiz va oradagi farqni 12 ochkoga etkazmoqchimiz. Bu bizning maqsadimiz", - deya urugvaylik futbolchining so'zlaridan iqtibos keltiradi Infobae.

"Barselona" 19 mart kuni "Kamp Nou"da "Real"ni qabul qiladi. Bahs Toshkent vaqti bilan soat 01:00da boshlanishi rejalashtirilgan. O'yin oldidan Madrid kataloniyaliklardan 9 ochko ortda qolmoqda.