"Barselona" himoyachisi Serxi Roberto Frantsiyaning "PSJ" klubining argentinalik hujumchisi Lionel Messining kataloniyaliklar klubiga qaytishi mumkinligi haqida gapirdi.

"Biz uni quchoq ochib kutib olamiz. Messining qaytishiga kim tayyor emas? Lekin bu haqda ko'p gapirmoqchi emasmiz, chunki qarorni klub prezidenti, murabbiy yoki boshqa birov qabul qilishi kerak. Ammo o'yinchilarga kelsak, biz uni hozir kutmoqdamiz", - dedi Roberto Mundo Deportivo bilan suhbatda.

Eslatib o'tamiz, 35 yoshli Messining "PSJ" bilan shartnomasi joriy mavsum oxirigacha mo'ljallangan. Avvalroq, OAVda argentinalik futbolchi "Barselona"ga qaytishni istayotgani haqida ma'lumotlar paydo bo'lgandi. Hujumchi uchun bu variant ustuvor va Kataloniya klubi futbolchi bilan shartnoma imzolash uchun hamma narsani qilmoqchi.