"Atletik" vingeri Niko Uilyamsning "Barselona"ga transferi bo'yicha vaziyat tarangligicha qolmoqda.

Mundo Deportivo nashriga ma'lum bo'lishicha, Uilyamsning vakili futbolchining shartnomasida uni ro'yxatdan o'tkaza olishmasa, klubni tekinga tark etishi mumkin bo'lgan band bo'lishini talab qilmoqda. Manbaga ko'ra, "Barselona" bunday qadamga bormaydi.

Avvalroq, "Barselona" Uilyamsning transferini shu hafta oxirigacha yopishni rejalashtirayotgani haqida xabarlar tarqalgan edi. Bitim summasi qariyb 60 million evroni tashkil etishi kerak.