Germaniya terma jamoasi va “Manchester Siti” klubi yarim himoyachisi Ilkay Gyundogan o'zining sevimli yarim himoyachilari nomini aytdi.

"Menga Xosep Gvardiola qo'l ostida "Barselona" yarim himoyasini tomosha qilish juda yoqar edi. Ularning Xavi - Buskets - Iniesta triosi mening barcha davrlardagi eng sevimli futbolchilarimdir. Maydon markazida ajoyib paslar, keyin o'yinning qanot yoki hujumga o'tishi. Men ularning o'yiniga qoyil qolganman", - deydi Gyundogan.

Ilkay yozda kataloniyaliklar safiga qo'shilishi mumkinligi haqida avvalroq xabarlar tarqalgan edi.

Yarim himoyachi joriy mavsumda APLda 24 ta o'yinda maydonga tushib, 3 ta gol urdi va 3 ta golli uzatmani amalga oshirdi.