"Chelsi" hujumchisi Per-Emerik Obameyang tez orada yana Ispaniya La Ligasida paydo bo'lishi mumkin. Jurnalist Matteo Morettoning yozishicha, gabonlik futbolchi "Atletiko"ning transfer maqsadlari ro'yxatidan joy olgan.

Yozda "matraschilar" yangi hujumchi izlashda faol ishtirok etadi. Variantlardan biri - Obameyang.

Eslatib o'tamiz, "Atletiko" moliyaviy muammolarni boshdan kechirmoqda, shu sababli ular yirik shartnomalarni amalga oshira olmaydi.

Avvalroq, Obameyang Kataloniyaning "Barselona" tarkibida olti oy davomida La Ligada o'ynagan va u erdan "Chelsi"ga o'tgan edi. Gabonlik futbolchi "ko'klar" ustozi Grem Potterning rejalariga kiritilmagan.