"Barselona" shu haftada Lionel Messi bilan muzokaralarni boshlaydi. Bu haqda jurnalist Veronika Brunati ijtimoiy tarmoqlarda xabar berdi.

Qayd etilishicha, 35 yoshli Messi "PSJ" bilan shartnomani uzaytirmaydi. Shu tariqa, argentinalik yulduz “Kamp Nou”ga erkin agent sifatida qaytishi mumkin.

Avvalroq matbuotda "Barselona" Messi bilan yangi shartnomani moliyalashtirish uchun homiylar qidirayotgani haqida ma'lumotlar tarqagan edi. Kataloniya klubi, o'zingizga ma'lum, hali ham moliyaviy qiyinchiliklarni boshdan kechirmoqda.

Eslatib o'tamiz, Lionel Messi "Barselona"ni 2021 yilda tark etgandi. O'shanda klub hujumchiga yangi shartnoma taklif qila olmagandi.