«Barselona» sardori Lionel Messi jamoadan alohida shug'ullanmoqda, u bir necha kundan keyin umumiy guruhga qaytadi. Bu haqda klub rasmiy sayti xabar tarqatdi.Argentinalik futbolchida o'ng oyog'ining mushagida engil lat eyish yuzaga kelgan. U bugun ham maxsus dastur asosida individual mashqlar bajardi. Avvalroq Messi mavsum qayta boshlanganidan keyin 13 iyun kuni «Malorka»ga qarshi mehmondagi o'yinda maydonga tushmasligi mumkinligi haqida ma'lumot berilgan edi.2019/20 yilgi mavsumda 32 yoshli hujumchi "ko'k-anorranglilar" safida 22ta o'yinda maydonga tushib, 19ta gol urdi va 12ta golga uzatma berdi.