Kataloniyaning "Barselona" klubi 2021 yilda jamoani tark etgan "PSJ" hujumchisi Lionel Messining qaytish rejasini ishlab chiqdi.

Sport nashri xabariga ko'ra, "Barselona" argentinalik futbolchining qaytishi uchun kelasi haftada La Ligaga xuddi shunday rejani taqdim etadi.

Klub boshqaruvining g'oyasi ish haqini qisqartirish, ba'zi o'yinchilarni sotish va ba'zi manbalardan daromad olishdir. Agar bularning barchasi amalga oshsa, Messining qaytishi haqiqatga aylanadi.

Eslatib o'tamiz, Lionel "PSJ" bilan muddati tugaydigan shartnomasini uzaytirmasa, yozda erkin agentga aylanishi mumkin.