Xavi Serji Buskets keyingi mavsumda ham "Barselona"da qoladi degan umidda.

Busketsning "Barselona" bilan shartnomasi iyun oyida tugaydi. Xabar qilinishicha, yarim himoyachi hali kelajagi borasida bir qarorga kelmagan.

"Men uning qolishini istayman, lekin men uni tushunaman. Agar hammasi yaxshi bo'lsa, u hozir, unvonlar bilan va kerakli vaqtda ketishi mumkin. Bu juda qiyin qaror. Men mavsumni trebl bilan tugatganimdan keyin ketdim. Men uni qolishga ko'ndirmoqchiman.

Buskets ajoyib mavsum o'tkazdi va men bu haqda unga aytdim. Bu nafaqat futbolga, balki maydon tashqarisiga ham tegishli. U yoshlarga yordam beradi, ular uchun o'rnakdir. U bizga ko'p narsa beradi va shuning uchun ham u qolishi kerak deb o'ylayman”, - dedi “Barselona” bosh murabbiyi.