Angliyaning «Lids» klubi «Barselona» vingeri Abde Ezzalzuli bilan bog'landi.

21 yoshli futbolchi joriy mavsum oxirigacha «Osasuna»ga ijaraga berilgan. U yozda «Barselona»ga qaytadi, ammo uning Kataloniya klubidagi kelajagi noma'lumligicha qolmoqda.

Sport nashri xabariga ko'ra, «Lids» marokashlik bilan muzokaralarni boshlagan. Oldinroq Madridning «Atletiko» klubi va «Vulverxempton» ham futbolchiga qiziqish bildirayotgani haqida xabar berilgandi.

Abde Ezzalzulining «Barselona» bilan shartnomasi 2026 yilgacha mo'ljallangan. Transfermarkt futbolchini 8 million evroga baholagan.