«Atletiko Madrid» bosh murabbiyi Diego Simeone «Barselona»ning saviyasi haqida o'z fikrlari bilan o'rtoqlashdi.

Yakshanba kuni «matraschilar» La Ligada «Almeriya»ni (2:1) mag'lub etib, qatorasiga oltinchi g'alabasini qo'lga kiritdi, «ko'k-anorranglilar» esa «Xetafe»ni mag'lub eta olmadi (0:0).

Xavi Ernandes shogirdlari 73 ochko bilan turnir jadvalida hamon peshqadam bo'lib turibdi, jamoa «Real» va «Atletiko»dan mos ravishda 11 va 13 ochkoga oldinda.

«Natijalar shuni ko'rsatdiki, bu mavsumda «Barselona» chempionatda hammadan ustun, ammo hozir jamoada jarohatlar ko'p, so'nggi ikki o'yinda durang qayd etilgan.

Bugungi o'yinimiz meni nekbinlik bilan ilhomlantirmoqda», - dedi Simeone. «Barselona» - «Atletiko» uchrashuvi 23 aprel kuni bo'lib o'tadi.