Kataloniyaning "Barselona" klubi rahbari Joan Laporta La Liga prezidenti Xaver Tebas, shuningdek, "ko'k-anorranglilar" korruptsiyada ayblanayotgani haqidagi fikrlari bilan o'rtoqlashdi.

"Barselona" sudsiz hukm qilindi. Biz o'z nomimizni va butun futbol olamining obro'sini xavf ostiga qo'yamiz. Ayblovlar isbotlanishi kerak. Klubni hech qanday sababsiz ayblashmoqda.

Shuni ta'kidlashni istardimki, Tebas bu vaqt davomida o'zini juda mas'uliyatsiz tutdi. U bema'ni nazariyalarni tarqatishni bas qilishi kerak. Bu xatti-harakat ligaga zarar keltiradi", - dedi Laporta Marca bilan suhbatda.

Oxirgi o'yinda "Barselona" "Xetafe" bilan durang o'ynadi. 29-turdan keyin “ko'k-anorranglilar” 73 ochko bilan La Liga turnir jadvalida peshqadamlik qilmoqda.