"Barselona" vinger Ferran Torresni sotishga tayyor, deya xabar bermoqda jurnalist Xavi Migel ijtimoiy tarmoqlarda. "Ko'k-anorranglilar" o'z futbolchisini 25 million evroga baholamoqda.

Torres "Barselona"ga 2021 yilning dekabrida kelib qo'shilgan edi. O'shanda "ko'k-anorranglilar" Ferran transferi uchun "Manchester Siti"ga 55 million evro to'lagandi.

Ushbu mavsumda vinger 39 ta o'yinda maydonga tushib, 7 ta gol va 2 ta golli uzatmaga mualliflik qilgan. Ferranning "Barselona" bilan shartnomasi 2027 yilning o'rtalariga qadar tuzilgan.

Kecha "Atletiko"ga qarshi o'yinda Torres g'alaba to'pini kiritdi.