"Yuventus" "Barselona" yarim himoyachisi Frank Kesseni sotib olish imkoniyatini ko'rib chiqmoqda, deb xabar bermoqda Sport.es nashri.

Turinliklar keyingi mavsumda o'zining yarim himoya chizig'ini tiklamoqchi, shu sababli ivuarlik futbolchini jamoaga olib kelmoqchi.

Ayni damda "Barselona" Kessega keyingi mavsumda maoshi kamayishi mumkinligi haqida ma'lum qilgan, ammo futbolchi bunga rozi bo'lmagan. Kataloniyaliklar Ilkay Gyundoganni qo'lga kiritishga va Serji Buskets bilan shartnomani uzaytirishga muvaffaq bo'lsa, yarim himoyachini sotishi mumkin.

Transfermarkt portali Kesseni 28 million evroga baholamoqda. Joriy mavsumda futbolchi 37 ta o'yinda maydonga tushib, 3 ta gol va 3 ta golli uzatmaga mualliflik qilgan.