“Selta” yarim himoyachisi Ugo Sotelo Ispaniyaning asosiy gigantlari qiziqishlari doirasiga tushib qoldi.

Relevo nashri xabariga ko'ra, 19 yoshli futbolchini "Barselona" va "Real" diqqat bilan kuzatishmoqda.

Sotelo hozirda "Selta" akademiyasida o'ynamoqda, biroq futbolchi Ispaniya chempionatida kattalar jamoasida debyut qilishga ham muvaffaq bo'ldi. Fevral oyi oxirida Ugo "Valyadolid"ga qarshi o'yinda 16 daqiqa o'ynagandi. Yarim himoyachi so'nggi mavsumda La Ligada maydonga tushdi va "Espanol"ga qarshi bir daqiqa o'ynadi.

Transfermarkt portali yosh yarim himoyachini 50 ming evroga baholamoqda.