Kataloniyaning "Barselona" klubi "PSJ" hujumchisi Lionel Messini o'z safiga qo'shib olmasa, kim bilan shartnoma imzolashga urinib ko'rishini allaqachon aniq bo'ldi.

Diario AS xabariga ko'ra, agar "ko'k-anorranglilar" Messining tekin transferini amalga oshira olmasa, rahbariyat e'tiborini "Selta" yarim himoyachisi Gabri Veygaga qaratadi. Manbaga ko'ra, "Barselona" prezidenti Joan Laporta ispaniyalik yosh futbolchini Messiga asosiy muqobil deb biladi.

Veyganing "Selta" bilan shartnomasida tovon puli 40 million evroni tashkil etadi. 20 yoshli yarim himoyachi La Liganing joriy mavsumida 9 ta gol va 3 ta golli uzatmani amalga oshirdi.