"Barselona" 2024 yilning yozida "Manchester Siti"dan Joau Kanseluni 35 million evroga sotib olishi mumkin, deb xabar berdi "El Chiringuito". 

Portugaliyalik futbolchi Kataloniya klubida ijara asosida o'ynamoqda va keyinchalik shu erda qolmoqchi. "Manchester Siti" Xosep Gvardiola bilan janjallashib qolgan va 2022/2023 yilgi mavsumning ikkinchi yarmini "Bavariya"da ijarada o'tkazgan Kanselu bilan hisoblashmaydi.

Joau Kanselu "Barselona"ning o'yin modeliga tez va muvaffaqiyatli kirishib ketdi. Portugaliyalik futbolchi 4 ta o'yinda 2 ta gol urdi va 1 ta assist qayd etdi.