"Barselona" hujumchisi Ferran Torresga Londonning "Arsenal" klubi qiziqish bildirmoqda. Avvalroq Torres xizmatlariga “Aston Villa” qiziqayotgani haqida xabar berilgandi.

TalkSport xabariga ko'ra, Kataloniya klubi yozgi transfer oynasida 23 yoshli ispaniyalik bo'yicha takliflarni ko'rib chiqishga tayyor. Biroq futbolchining o'zi "Barselona"da qolishni istaydi. Eslatib o'tamiz, Torres "Arsenal" bosh murabbiyi Mikel Arteta bilan "Manchester Siti"dagi birgalikdagi faoliyati orqali tanish.

Futbolchi joriy mavsumda barcha musobaqalarda 41 ta o'yinda maydonga tushib, 7 ta gol urdi va 2 ta golli uzatmani amalga oshirdi. Transfermarkt ekspertlari Torresning narxini 30 million evroga baholamoqda.