"Barselona" himoyachisi Serjino Dest kelasi mavsum Bundesligada o'ynaydi. Todofichajes jurnalistlariga ma'lum bo'lishicha, futbolchining xizmatlariga "Union Berlin" qiziqmoqda.

Manba bergan xabarga ko'ra, tomonlar muzokara o'tkazgan va futbolchini keyingi mavsumda ijaraga olishga kelishib olgan. Shartnoma tugagach, nemis klubi Destning 8-9 million evroga to'liq transferini tashkil qilishi mumkin bo'ladi.

Joriy mavsumda 22 yoshli amerikalik futbolchi "Milan"da ijara asosida o'ynamoqda. Dest Italiya chempionatining sakkizta uchrashuvida qatnashib, samarali harakatlari bilan ajralib tura olmadi.