Kataloniyaning “Barselona” klubi rahbariyati yarim himoyachi Frenki de Yong va darvozabon Mark-Andre ter Shtegendan maoshini kamaytirishni so'radi.

Bu haqda Mundo Deportivo nashri xabar bermoqda. Shu yo'l bilan Kataloniya grandi rahbariyati klubning moliyaviy ahvolini normallashtirmoqchi.

"Barselona" Ispaniya La Ligasida chempionlikni muddatdan oldin qo'lga kiritishga juda yaqin turibdi. 33 turdan keyin Xavi Ernandes shogirdlari 82 ochko jamg'arib, turnir jadvalida ikkinchi o'rindagi “Atletiko”ni 13 ochkoga ortda qoldirmoqda.

Keyingi o'yinda "Barselona" safarda "Espanol"ga qarshi o'ynaydi.