"Fenerbaxche" klubi yarim himoyachisi Arda Gyuler faoliyatini Angliya Premer-ligasida davom ettirishi mumkin. Bu haqda Football Insider nashri xabar bermoqda.

Manbaga ko'ra, "Nyukasl" vakillari shu hafta oxirida 18 yoshli turkiyalik futbolchining oilasi bilan uchrashib, ehtimoliy transferni muhokama qiladi. Qayd etilishicha, Gyuler vakillari “Ayaks” va “Barselona” takliflarini ham tinglashni rejalashtirgan.

Futbolchining “Fenerbaxche” bilan amaldagi shartnomasi 2025 yilning yoziga qadar tuzilgan. Transfermarkt portali Turkiya terma jamoasi futbolchisini 11 million evroga baholamoqda.

Joriy mavsumda yarim himoyachi turk klubi safida 29 ta o'yin o'tkazib, 6 ta gol urdi va 4 ta golli uzatmani amalga oshirdi.