"Atletiko Paranaense"ning 18 yoshli hujumchisi, o'z avlodining eng iqtidorli futbolchilaridan biri Vitor Roke "Barselona"dan boshqa hech qanday Evropa jamoasiga o'tish niyatida emas. Bu haqda jurnalist Xoakim Pera xabar tarqatdi.

Vunderkindning oilasi ham shunday fikrda, ular bu jamoaga o'tishni kutish niyatida va "Barselona"ning moliyaviy muammolari tufayli turli transfer variantlarini ko'rib chiqishmoqda. Roke 2023 yilning yozgi transfer oynasida "ko'k-anorranglilar" bilan shartnoma imzolashi va bir mavsumdan keyin jamoaga o'tishi mumkin.

Vitor Roke Braziliya terma jamoasida 2023 yilning mart oyida Marokashga qarshi o'rtoqlik o'yinida (1:2) zaxiradan maydonga tushgan edi. U joriy mavsumda “Atletiko Paranaense” tarkibida 14 ta o'yinda maydonga tushib, 6 ta gol urdi va 2 ta golli uzatmani amalga oshirdi.

Qayd etish kerakki, futbolchining otasi Yuvenal Ferreyra bahorda Evropaning etakchi klublari bazasi bo'ylab gastrol safari uyushtirib, o'g'lining ushbu jamoalarga o'tishi borasida muzokaralar olib borgan edi.