Myunxenning "Bavariya" klubida ijara asosida o'ynayotgan "Manchester Siti" qanot himoyachisi Joau Kanselu ispan grandlari qiziqishlari doirasida.

90min nashri xabariga ko'ra, portugaliyalik futbolchiga "Real" va "Barselona" qiziqish bildirmoqda.

Shu bilan birga, "Bavariya" futbolchini o'z safida saqlab qolishga qarshi emas. Tegishli qarorni myunxenliklar bosh murabbiyi Tomas Tuxel qabul qildi.

Kanselu "Manchester Siti" bilan 2027 yilning o'rtalariga qadar shartnoma imzolagan. Transfermarkt portali 28 yoshli himoyachining narxini 60 million evroga baholamoqda.