La Liga prezidenti Xaver Tebasning fikricha, Serji Busketsning "Barselona"dan ketishi Lionel Messining ehtimoliy qaytishi uchun ilk qadamdir.

"Busketsning ketishi Messining qaytishi sari yo'lning boshlanishi... Lekin oxiriga etish uchun "Barselona" hali ko'p yo'l bosib o'tishi kerak. Ularga yashil chiroq yoqadigan men emas, hammasi iqtisodiy nazorat qoidalarini amalga oshirishga bog'liq", — dedi Tebas.

Mavsum oxirida Buskets 18 mavsum o'tkazgandan so'ng "Barselona"ni tark etadi. Uning kelajagi Messiga Saudiya Arabistonida Serji va Jordi Alba bilan birlashishni taklif qiladigan "Al-Hilol" bilan bog'liq.