Kataloniyaning "Barselona" klubi Ferran Torresning istagiga qaramasdan, u bilan xayrlashmoqchi. Bu haqda jurnalist Fabritsio Romano ijtimoiy tarmoqlarda xabar berdi.

Torres "Barselona"ga 2022 yilning yanvarida ko'chib o'tgandi. Futbolchi uchun 55 million evro to'langan, ammo bu yozda Ferrandan qutulmoqchi bo'lgan Kataloniya rahbariyatini bezovta qilmaydi.

Torres xizmatlariga avvalroq "Aston Villa" qiziqish bildirgandi. Ispaniyalik futbolchi allaqachon Angliya Premer-ligasida "Manchester Siti" tarkibida o'ynab, mamlakat chempioniga aylangan.