«Barselona» klubi "PSJ" hujumchisi Lionel Messi bilan shartnoma imzolash borasidagi ishlarni davom ettirmoqda. "Fox Sports Argentina" nashri tarqatgan xabarga ko'ra, "ko'k-anorranglilar" tomonidan taqdim etilgan moliyaviy rejani La liga tasdiqlagan. Bu haqda rasmiy ma'lumot 19 may kuni berilishi kutilmoqda. Ammo La liga allaqachon yozma kafolatni "Barsa"ga berib bo'lgan. O'z navbatida klub bu kafolatni Messiga taqdim qilgan. Argentinalik futbolchi shartnoma imzolaganidan keyin muammo kelib chiqmasligini ishonch hosil qilishni istamoqda. Chunki 2021 yilda "Barsa" Leoni La liga ro'yxatidan o'tkaza olmagani uchun u jamoani tark etgandi.