Chorshanba oqshomida «Real Madrid» «Manchester Siti»ga hech qanday qarshilik qila olmadi. Karlo Anchelotti shogirdlari Angliyada 0:4 hisobida yutqazib, Chempionlar ligasidan chiqib ketishdi.

«Barselona» futbolchilari «WhatsApp»dagi suhbatda «Real»ning muvaffaqiyatsizligini muhokama qilishdi. Bu haqda AS nashri o'z sahifalarida xabar bermoqda.

Manbaning so'zlariga ko'ra, «Ular qanday titrayapti» degan yozishmalar bilan «Barselona» futbolchilari ashaddiy raqiblarining ustidan kulgan. 

Shuningdek, «Barselona» futbolchilari «Manchester Siti»ni o'yinlarini maqtashgani ham qayd etilgan.

«Manchester Siti» 10 iyun kuni Chempionlar ligasi finalida «Inter»ga qarshi maydonga tushadi.