"Mening fikrimcha, Martin Subimendi – yaxshi tayanch yarim himoyachi, top-futbolchi. U o'yinni o'qiy oladi, to'p bilan va to'psiz tinim bilmaydi. Subimendi "Barselona"da bizga yoqadigan futbol o'ynaydi, bu bizning uslubimiz", – dedi Xavi.

Eslatib o'tamiz, Serxio Buskets yozda "Barselona"ni tark etadi, unga o'rinbosar topish kerak. Xavi doimiy ravishda Martin Subimendini maqtab kelmoqda, ammo uning transferi kataloniyaliklar uchun qimmatlik qiladi. Axir "Real Sosedad" 24 yoshli yarim himoyachi uchun kamida 70 million evro talab qiladi.