Niderlandiyalik yarim himoyachi Frenki de Yong Kataloniyaning "Barselona" klubini tark etishi haqidagi savolga javob berdi.

"O'tgan yozda klub qiyin ahvolda edi, keyin meni yaxshi pulga sotishlari mumkin edi. Biroq, men ketishni xohlamadim. Qolish istagimga qaramay "Manchester Yunayted" bilan muzokaralar olib borildi. Men "Barselona"da imkon qadar uzoq vaqt o'ynashni xohlayman", - dedi de Yong.

Eslatib o'tamiz, Frenki Kataloniya grandi safiga 2019 yilda kelib qo'shilgandi. Tomonlar o'rtasidagi amaldagi shartnoma 2025/2026 yilgi mavsum oxirida yakuniga etadi.