"Barselona" bosh murabbiyi Xavi Ispaniya chempionatining 36-turi doirasida "Valyadolid"dan uchralgan mag'lubiyat (1:3) haqida fikr bildirdi. U chempionlikni qo'lga kiritganidan beri jamoada motivatsiya etishmayotganini tan oldi.

“Maqsadga erishib bo'lganimiz uchun bu o'yinlarga tayyorgarlik ko'rishimiz qiyin bo'lmoqda. Bu natijalar keskinlikning yo'qligi bilan bog'liq, ammo biz baribir harakat qildik. Birinchi bo'limda bizda yaxshi imkoniyatlar bo'ldi, ammo ikkinchi bo'limda mag'lub bo'ldik", - dedi Xavi.

“Valyadolid” 38 ochko jamg'arib, 17-o'ringa ko'tarilib oldi va quyi ligaga tushib ketish zonasini tark etdi. "Barselona" allaqachon chempionlikni qo'lga kiritib bo'lgan.