Yuri Tilemans endi "Lester"da o'ynamaydi. Yarim himoyachi Instagram'da klub muxlislari, jamoadoshlari, murabbiylar va rahbariyatga minnatdorchilik bildirib, xayrlashdi.

Belgiyalik futbolchi Chempionshipga tushib qolgan jamoani erkin agent sifatida tark etmoqda.

Oldinroq "Arsenal" va "Barselona" Tilemansni safiga qo'shib olmoqchi ekani xabar qilingandi. Insayder Fabritsio Romanoning qayd etishicha, ayni damda futbolchi hech kim bilan kelishmagan.

Tilemans "Lester"dagi 4,5 mavsumi davomida APL 158 ta o'yinida qatnashib, 21 ta gol urdi.