Serxio Busketsning "Barselona"dan ketganidan keyin faoliyatini davom ettirish uchun uchta varianti bor.

ESPN o'z manbalariga tayanib xabar berishicha, yarim himoyachi “Inter Mayami” bilan mumkin bo'lgan o'tish borasida muzokara olib borgan. Buskets Saudiya Arabistonining "An-Nasr" va "Al-Hilol" klublari bilan ham muzokaralar olib bormoqda.

Saudiya Arabistonida unga kattaroq shartnoma taklif qilishmoqda.

Manbalarning aytishicha, agar so'nggi daqiqada hech narsa o'zgarmasa, Serxio faoliyatini shu uch klubdan birida davom ettiradi.

Lionel Messining "Inter Mayami"ga o'tishi Busketsning qaroriga ta'sir qilishi mumkin.

Ispaniyalik futbolchining “Barselona” bilan shartnomasi 30 iyun kuni yakuniga etadi. U klubni erkin agent sifatida tark etadi.