"Bavariya" yarim himoyachisi Yozua Kimmix ushbu transfer oynasida Myunxen jamoasini tark etishni tezlashtirmoqchi.

Jurnalist Ferran Martinesning ijtimoiy tarmoqlarda yozishicha, germaniyalik himoyachi "Barselona" klubiga o'tish niyatida.

Eslatib o'tamiz, Kimmixning sobiq jamoadoshi Robert Levandovski o'tgan yozda xuddi shunday yo'ldan borgandi.

"Barselona" Yozuani Serxio Buskets o'rniga asosiy maqsad sifatida belgilagan, biroq futbolchining "Bavariya" bilan mavjud bo'lgan ikki yillik shartnomasi transferni qiyinlashtirmoqda.

Eslatib o'tamiz, "Barselona"da ham hozirda transferlarga katta mablag' sarflashga imkon bermaydigan moliyaviy muammolar mavjud.