"Barselona" himoyachi Erik Garsiyani transferga qo'ydi, deb xabar berdi AS. Kataloniyaliklar futbolchi uchun 10 million evro talab qilmoqda.

Ispaniyalik futbolchini sotish haqidagi qarorni bosh murabbiy va klub rahbariyati qabul qilgan. "Ko'k-anorranglilar" mavsum oldidan futbolchi bilan xayrlashish niyatida.

Garsiya "Barselona" safida 2021 yildan buyon o'ynaydi. 22 yoshli markaziy himoyachi o'tgan mavsum 32 ta o'yin o'tkazib, 1 ta to'p kiritdi va 2 ta golga assistentlik qildi.

Oldinroq "Barselona" "Manchester Siti" sardorini o'z safiga qo'shib olishga yaqin ekani xabar qilingan edi.