Kataloniyaning "Barselona" klubi sobiq futbolchisi, hozirda Rimning "Latsio" klubi sharafini himoya qilayotgan Pedro Rodriges yarim himoyachi Sesk Fabregasning faoliyatini yakunlash haqidagi qaroriga izoh berdi.

"Bunday muvaffaqiyatli martaba bilan tabriklayman. Biz birga bo'lgan barcha daqiqalar uchun rahmat. Sizga yangi bosqichda eng yaxshi tilaklarimni tilayman. Afsona", - deb post qoldirdi Pedro ijtimoiy tarmoqlarda.

Avvalroq matbuotda Fabregas murabbiylik faoliyatini boshlash haqida o'ylayotgani haqida xabarlar tarqalgan edi.

Sesk futbolchi sifatida Londonning "Arsenal", Kataloniyaning “Barselona”, “Chelsi” va “Monako” klublarida o'ynagan. Uning so'nggi klubi Italiyaning "Komo" klubi edi.