"Barselona"ning yangi himoyachisi Inigo Martines klubga qo'shilganidan keyin o'z his-tuyg'ulari bilan o'rtoqlashdi.

Eslatib o'tamiz, avvalroq Kataloniya jamoasi erkin agent bo'lgan 32 yoshli ispaniyalik bilan shartnoma tuzilganini rasman e'lon qilgan edi.

"Barselona"ga o'tganimdan xursandman. Nihoyat men yangi darajaga chiqishga muvaffaq bo'ldim. Men bu klubga borimni berishga tayyorman", - dedi Martines "ko'k-anorranglilar" matbuot xizmatiga.

Futbolchi "Barselona" bilan barcha mumkin bo'lgan sovrinlarni qo'lga kiritishni xohlashini tan oldi, ammo bu unchalik oson bo'lmasligini tushunadi.

Eslatib o'tamiz, Ispaniya chempionatining so'nggi mavsumida Xavi Ernandes shogirdlari mamlakat chempioniga aylanishgandi.