Madridning “Real” klubi navbatdagi futbolchi uchun kurashda “Barselona” bilan raqobatlashishga tayyor. Jurnalist Adrian Sanchesning so'zlariga ko'ra, “Qirollik klubi” “Valyadolid”ning o'ng qanot himoyachisi Ivan Fresnedaga ko'z tikmoqda.

18 yoshli ispaniyalik himoyachining tovon puli 20 million evroga teng, bu esa "Valyadolid"ning ikkinchi divizionga tushib ketishi bilan faollashgan. "Barselona" avvalroq bu miqdorni roppa-rosa yarmiga kamaytirishga harakat qilgan. Manbaning qayd etishicha, Madridning “Real” klubi Fresnedaning atrofidagilar bilan bog'lanib, transfer masalasini muhokama qilgan.

Avvalroq, "Real" "Fenerbaxche"dan "Santyago Bernabeu"ga o'tgan 18 yoshli yarim himoyachi Arda Gyuler uchun kurashda "Barselona"ni mag'lub etgandi.