"Barselona" hujumchisi Rafinya Dias Saudiyaning "Al-Hilol" klubiga o'tishi mumkin.

Mundo Deportivo nashriga ma'lum bo'lishicha, ushbu transferga "Barselona" ham, braziliyalik futbolchining o'zi ham qiziqish bildirmoqda. Ammo, manbaning xabariga ko'ra, Kataloniya klubi hozircha "Al-Hilol"dan rasmiy taklif olmagan.

Qayd etilishicha, Rafinyaning “Barselona” bilan shartnomasida tovon puli 1 milliard evroni tashkil etadi.

26 yoshli vinger o'tgan mavsumda barcha turnirlarda 50ta o'yinda maydonga tushib, 10ta gol va 12ta golli uzatmani amalga oshirgan. Rafinya va klub o'rtasidagi amaldagi kelishuv 2027 yilgacha mo'ljallangan.