"Barselona"ning chap qanot himoyachisi Alexandro Balde "Manchester Siti"ga o'tsa, moliyaviy maoshini jiddiy ravishda oshirishi mumkin.

Jurnalist Rojer Torelloning so'zlariga ko'ra, “shaharliklar” Ispaniya terma jamoasi futbolchisiga “Barselona”da olayotganidan ancha ko'proq maosh taklif qilgan.

E'tiborlisi, Alexandro “Manchester Siti” taklifini darhol rad etdi. Futbolchi "Barselona"da qolmoqchi va kelasi mavsum oxirida tugaydigan shartnomasini uzaytirmoqchi.

La Ligadagi o'tgan mavsum Balde uchun faoliyatidagi ilk to'liq mavsum bo'ldi. Alexandro turnirda bitta gol urdi va 6 ta golli uzatmani amalga oshirdi va bu uning jamoasiga oltin medallarni qo'lga kiritishiga yordam berdi.