"Barselona" Madridning "Atletiko" klubi hujumchisi Joau Feliks transferini yakunlashi mumkin.

Ma'lum bo'lishicha, "matraschilar" portugaliyalikni "Barselona"ga ijaraga berishga tayyor. Jurnalist Manu Saynsning fikricha, Kataloniya klubi moliyaviy qiyinchiliklarga qaramay, tez orada bu hujumchi bilan shartnoma imzolay oladi. "Ko'k-anorranglilar" allaqachon bu borada kerakli ruxsatni olgan.

Mish-mishlarga ko'ra, Joau Feliksning ijarasi futbolchining maoshini hisobga olgan holda "Barselona"ga 25 million evroga tushishi mumkin.

23 yoshli futbolchining "Atletiko" bilan shartnomasi 2027 yilning iyunigacha mo'ljallangan va uning transfer narxi 50 million evroga teng.