Umumiy transfer qiymati eng qimmat futbolchilar reytingi tuzildi. Mazkur reytingni birma-bir ko'rib chiqamiz.

10-o'rin. Zlatan Ibragimovich (145 million funt)

Zlatan shu yozda faoliyatini yakunladi va reytingning kuchli o'nligiga kirdi. U "Ayaks", "Yuventus", "Inter", "Milan", "Barselona", PSJ va "Manchester Yunayted" kabi klublarda o'ynadi. Ibragimovichning deyarli barcha transferlarida katta mablag' rol o'ynamagan. Faqatgina "Inter"dan "Barselona"ga o'tganida uning transfer narxi eng qimmat, 57 million funtni tashkil qilgan.

Barselona" width="630" />

9-o'rin. Anxel Di Mariya (147,2 million funt)

Shunga o'xshash yana bir hikoya. Bitta transferning maksimal summasiga ko'ra, Di Mariya kuchli 20 talikda ham yo'q. Ammo Anxelning transferidan bir qancha klublar katta daoromadga ega chiqishgan. Eng yirik kelishuv 2014 yil yozida 59.7 million funt evaziga "Manchester Yunayted"ga amalga oshirilgan transfer. Bu o'sha vaqtda mankunianliklar tomonidan to'langan eng katta summa edi. Keyin esa, u PSJga 44 million evaziga o'tdi. Bu uning umumiy transfer narxi va reytingdagi o'rniga ta'sir qildi.

8-o'rin. Antuan Grizmann (153 mln funt)

"Barselona"ning hozirgi moliyaviy ahvolini intobatga olgan holda, klub 2019 yilda Grizmanni 108 million funtga olishi xato qaror bo'lgani ayon bo'ladi. Frantsiyalik futbolchi "Real Sosedad"dan "Atletiko Madrid"ga 24 million funtga o'tganidan 5 yil o'tib "Barselona" o'tdi. So'ng, u Madrid klubiga ijara asosida qaytdi va "matraschilar" uni 21 millionga sotib olishga qaror qildi.

7-o'rin. Usmon Dembele (153 million funt)

"Barselona" nima uchun qiyin ahvolga tushib qolganini taxmin qilish mushkul emas. Grizmanndan ikki yil oldin, Usmon Dembele uchun 100 million funtdan ortiq pul sarflashgan. Dembelening "Kamp Nou"dagi faoliyati jarohatlar bilan kechdi. "Barselona"ning Usmon bilan xayrlashishga tayyorligi haqida turli mish-mishlar tarqaldi, ammo u yakuniga etgan mavsumda o'zini biroz ko'rsatdi va jamoa rahbarlarining ishonchini qozona oldi.

6-o'rin. Kilian Mbappe (165.7 million funt)

Mbappening transferi bu borada bir martalik xariddan 165.7 million funtni tashkil etgan. PSJ Kilianga xuddi shuncha mablag' sarflagan. Frantsiyalik agar "Real"ga o'tganida aql bovar qilmaydigan summa qayd etlishi mumkin edi. "Qirollik klubi" hali ham ovni davom ettirmoqda.

5-o'rin. Alvaro Morata (160.8 funt)

Mbappeda birgina transfer narxi katta bo'lsa, Morata o'zining mavqeini asta-sekin oshirib borgan. "Chelsi" 2017 yilda ispaniyalik futbolchini "Real"dan 60 million funtga sotib olgan holda transfer rekordini yangiladi. Oradan 3 yil o'tib, "arisokratlar" Moratani "Atletiko"ga deyarli shu narxga sotadi. Alvaro qaysi klubda o'ynamasin, jamoasi g'alabasi uchun o'zining katta hissasini qo'shdi.

4-o'rin. Filipe Koutino (167,9 mln funt)

Felipe transferi uchun 142 million funtni kim to'lagan deb o'ylaysiz? Xa, albatta, "Barselona" "Ko'k-anorranglilar" 2018 yilning yanvarida "Liverapul"dan sotib olgan. Avvalroq, Koutino "Inter"dan atigi 7.5 million evaziga mersisaydliklar safiga kelib qo'shilgan. "Barselona" orada uni "Bavariya"ga ijaraga berib yubordi. Keyinchalik, "Aston Villa"ga 17 millionga o'tsh ham mazkur statistikaga qo'shildi.

3-o'rin. Krishtianu Ronaldu (210.1 million funt)

2009 yilda Ronaldu "Manchester Yunayted"dan 80 million funt evaziga "Real"ga o'tgan va bu summa o'sha davr uchun rekord edi. Biroq, 2018 yilda u "Yuventus"ga 117 millionga transfer qilingan. Keyin atigi 12.86 million funt evaziga "Manchesiter Yunayted"ga qaytdi. Ayni damda esa, Ronaldu Saudiyaning "Al Nasr" klubi safida faoliyatini davom ettirmoqda.

2-o'rin. Neymar (248,8 mln funt)

Futbol tarixidagi eng qimmat tranferi 2017 yilda Neymarning "Barselona"dan PSJga 220 million funtga o'tganida amalga oshgan. Hozirgacha bu summa rekord bo'lib saqlanib qolmoqda.

1-o'rin. Romelu Lukaku (291 million funt)

Taxmin qilish qiyinmaski, ko'pchilik Lukakuni birinchi o'rinda kutmagandi. Ronalduni ham Neymarni ham ortda qoldira olgan Romelu barcha transfer bitimlarida deyarli 300 million funtga chiqa olgan. Lukaku 2021 yilning yozida 100 million evaziga "Chelsi"ga qaytgandi. "Chelsi"ga esa, 7 yil oldin "Everton"dan 28 millionga o'tgan. Transferlar oralig'ida "Manchester Yunayted" va "Inter"ga o'tgandagi narxlar 150 milliondan oshdi.

Yozgi transferlar oynasi hali yopilmadi va ungacha bu reyting yangilanish ehtimoli juda katta. Qolganini vaqt ko'rsatadi. Ko'ramiz, kuzatamiz...