Kataloniyaning “Barselona” klubi “Liverpul” yarim himoyachisi Tyago Alkantaraning sobiq klubiga qaytishiga qiziqmayapti.

Jurnalist Xavi Migel xabariga ko'ra, "Barselona" bosh murabbiyi Xavi Ernandes Alkantarani o'z safiga qo'shish haqida o'ylamayapti.

Oldinroq Tyago "Kamp Nou"ga qaytishga yaqin ekani xabar qilingandi, biroq manba bu mish-mishlarni inkor etmoqda.

Eslatib o'tamiz, Alkantara "Barselona"ni 2013 yilning yozida, "Bavariya"ga o'tganida tark etgandi.

32 yoshli Alkantaraning "Liverpul" bilan shartnomasi keyingi mavsum oxirida yakuniga etadi.