"Barselona" vingeri Usmon Dembele "PSJ" bilan shaxsiy shartlarni kelishib oldi, deya xabar bermoqda jurnalist Nikolo Skira.

Agar transfer amalga oshirilsa, 26 yoshli frantsiyalik futbolchi yiligia 16 million evro maosh bilan 5 yillik shartnoma imzolaydi.

Frantsiyalik hujumchi 2017 yildan buyon "Barselona"da o'ynab kelmoqda, u Dortmundning "Borussiya" jamoasidan 105 million evro evaziga o'tgan edi.

2022/2023 yilgi mavsumda Dembele "Barselona" safida barcha musobaqalarda 35 ta o'yinda maydonga tushib, 8 ta gol va 9 ta golli uzatmani amalga oshirgan. Futbolchining Kataloniya klubi bilan shartnomasi 2024 yilning iyun oyi oxirigacha amal qiladi. Transfermarkt portali futbolchining narxini 60 million evroga baholamoqda.

Avvalroq, "PSJ" ushbu transfer uchun 50 million evro to'lashi xabar qilingandi.