Insayder Fabritsio Romanoning xabariga ko'ra, "Barselona" Usmon Dembeleni klub qaydnomasidan chiqarib tashladi.

Jurnalistning xabar berishicha, bu qaror futbolchining "PSJ"ga o'tishi kutilayotgani bilan bog'liq. Tomonlar kelishuvning barcha tafsilotlari bo'yicha kelishib olishgan. Transfer imkon qadar tezroq e'lon qilinadi. Usmonning transferi uchun Liga 1 chempioni taxminan 60 million evro to'laydi.

Dembele o'tgan mavsumda La Ligada 25 ta o'yinda maydonga tushib, 5 ta gol va 7 ta golli uzatmaga mualliflik qilgan.