Kataloniyaning “Barselona” klubi prezidenti lavozimida faoliyat yuritayotgan Joan Laporta “ko'k-anorranglilar”ning kelasi mavsumdagi asosiy maqsadi haqida gapirdi.

"Bizning ustuvor vazifamiz - La Ligada g'alaba qozonish. Shu bilan birga, jamoa Chempionlar ligasida yanada muvaffaqiyatli o'ynashni juda xohlaydi, biz ushbu turnirda g'alaba qozonishni istaymiz. Biroq, asosiy ustuvorlik bu Ispaniyadagi chempionat", - deydi Laporta.

2022/2023 yilgi mavsumda "Barselona" Ispaniya chempionatida muddatidan avval oltin medallarni qo'lga kiritdi. Chempionlar ligasida Xavi Ernandes shogirdlari musobaqaning guruh bosqichidan o'ta olmadi.