"Atletiko Paranaense" klubi hujumchisi Vitor Roke shu yozda "Barselona"ga o'tishi mumkin. Yaqinda 18 yoshli braziliyalik "ko'k-anorranglilar" bilan shartnoma imzolagan, biroq uning shartlariga ko'ra, u bir yildan keyin jamoaga qo'shilishi kerak.

Biroq, Usmon Dembelening ketishi "Barselona"ni Rokening kelishini tezlashtirishga majbur qilishi mumkin.

Jurnalist Rojer Torelloning fikricha, Vitorning kelajagi ikki omilga bog'liq. Agar maoshlar yo'l qo'ysa "Barselona" uni tezroq qo'lga kiritishi mumkin. Shuningdek, "Atletiko Paranaense" Libertadores kubogini tark etgan taqdirda transfer soddalashtiriladi. 1/8 finalning ilk uchrashuvida Braziliya klubi safarda "Bolivar"ga 1:3 hisobida imkoniyatni boy berdi.