"Barselona" himoyachisi Markos Alonso transferlar ro'yxatiga kiritildi. Insayder Jerar Romeroning so'zlariga ko'ra, "ko'k-anorranglilar" rahbariyati yozda 32 yoshli ispaniyalikdan qutulmoqchi.

Markos o'tgan yozda "Chelsi"dan "Barselona"ga o'tgan edi. Alonso himoyaning chap tomonida o'ynashga odatlangan, ammo o'tgan mavsumda u ko'pincha himoya markazida o'ynadi.

"Barselona" o'tgan yozda Alonso bilan bir yillik shartnoma imzolagan, biroq keyinchalik tajribali himoyachi bilan shartnomani uzaytirgandi.