«Barselona» o'z hujumchisi Ansu Fatini «Atletiko» hujumchisi Joau Feliksga almashtirmoqchi, deya xabar beradi Relevo jurnalisti Matteo Moretto.

Manbaning xabariga ko'ra, Madrid klubi futbolchisini berish niyatida emas. Joauning ketishi qo'shimcha to'lov evaziga almashtirish yoki futbolchini to'g'ridan-to'g'ri sotib olish orqali amalga oshiriladi.

Oldinroq 23 yoshli portugaliyalik «Al-Hilol» bilan muzokaralar olib borayotgani haqida xabar berilgandi.

Transfermarkt portali futbolchining narxini 50 million evroga baholamoqda. Joau Feliksning «matraschilar» bilan amaldagi shartnomasi 2027 yilning 30 iyuniga qadar amal qiladi.