"Barselona" bosh murabbiyi Xavi Ernandes klub bilan yangi shartnoma borasidagi savolga javob berdi.

Ispaniyalik mutaxassisning amaldagi shartnoma6si joriy mavsum oxirida yakuniga etadi. "Barselona" Xavi bilan shartnomani uzaytirish niyati borligini bir necha bor e'lon qilgan va murabbiyning o'zi ham hamkorlikni davom ettirishni xohlashini yashirmagan, ammo kelishuv haligacha tuzilmagan.

Shunga qaramay, murabbiy tan olganidek, uning klubdagi kelajagi hech qanday shubha tug'dirmasligi kerak: "Yangi shartnoma imzolash ehtimolini o'ndan o'nga baholagan bo'lardim", - deya Xavi so'zlarini keltiradi Mundo Deportivo.

20 avgust kuni "Barselona" La Liganing 2-tur uchrashuvini "Kadis"ga qarshi o'tkazadi.